Աբդուլլահ Գյուլը վավերացրել է ինտերնետի գրաքննության մասին օրենքը

Իրավական08:07, 19 Փետրվար 2014

Աբդուլլահ Գյուլը վավերացրել է ինտերնետի գրաքննության մասին օրենքը

Թուրքիայի ազգային մեծ ժողովի (ԹԱՄԺ - TBMM) ընդունած օրենքը, որ դրույթներ էր պարունակում համացանցում, սոցիալական կայքերում և բլոգերում տեղադրվող նյութերի վերահսկման մասին, վավերացվել է երկրի նախագահ Աբդուլլահ Գյուլի կողմից: Դա նշանակում է, որ օրենքն արդեն իրավական ուժ է ստացել և ենթակա է կիրարկման: Նախագահ Գյուլն օրենքի վավերացման մասին գրառում է կատարել «Twitter» միկրոբլոգի իր էջում: Ընդհանուր առմամբ նա գոհունակություն է հայտնել նոր օրենքի բովանդակությունից` չհաշված որոշ թերություններ, որոնք հանձնարարել է շտկել:

Այն բանից հետո, երբ հայտնի է դարձել, որ նախագահ Գյուլը վավերացրել է համացանցի գրաքննություն նախատեսող աղմկահարույց օրենքը, «Twitter»-ում արշավ է սկսվել նրա դեմ: Ըստ թուրքական «Դունյա» լրատվական կայքի` Թուրքիայի նախագահի թվիթերյան էջի հետևորդները զանգավածաբար լքում են նրա էջը` կատարելով unfollow գործողությունը: Դրա հետրանքով ընդամենը 2 ժամվա ընթացքում Գյուլի թվիթերյան էջի հետևորդների թիվը նվազել է 18.000-ով` 4 մլն 386 հազարից դառնալով 4 մլն 369 հազար: Ի դեպ, Թուրքիայի օգտատերերից «Twitter»-ում ամենամեծ թվով հետևորդներ ունի հենց նախագահ Գյուլը:

Օրենսդրական այդ նախաձեռնությունը դժգոհության մեծ աղմուկ ու ալիք է առաջ բերել թուրք հանրության շրջանում և դիտվում է որպես համացանցի գրաքննության փորձ: Ըստ այդ օրենքի` համացանցի գրաքննությունն իրականացնելու է հանրային հեռահաղորդակցություն ապահովող մարմինը` առանց որևէ դատական ատյանի: Օրենքից դժգոհողներն անթույլատրելի են համարում դրա կիրառում, քանի որ խախտում է խոսքի, մտքի և մամուլի ազատությունը, մարդու անձնական տվյալների գաղտնիության պահպանության իրավունքը:

Հիշեցնենք, որ «Թուրքիայի լրագրողների միությունը» նախագահ Գյուլին կոչ էր արել կիրառել վետոյի իրավունքը և կասեցնել օրենքի ընդունումը: Արտերկրից ևս բացասական անձագանքներ եղան. Եվրահանձնաժողովը լուրջ մտահոգություն է հայտնել Թուրքիայում համացանցի գրաքննության մասին օրենքի ընդունման կապակցությամբ: Եվրախորհրդարանի նախագահ Մարթին Շուլցը, արձագանքելով օրենսդրական փոփոխության ընդունմանը, նշել է, որ այն մամուլի ազատության տեսանկյունից հետընթաց է: Իսկ Եվրամիության հանձնաժողովն ընդգծել է, որ օրենսդրական փոփոխությունը եվրոպական չափանիշների տեսանկյունից վերանայման կարիք ունի: Իսկ ահա Թուրքիայի «Ինտերտնետ-մատակարարների միության» գլխավոր տնօրեն Թայֆուն Սըրմանը նշյալ օրենքն ամոթալի է անվանել:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։