ԵԽ զեկույցում քննադատվում է Թուրքիայում և Ուկրաինայում ցուցարարների նկատմամբ ուժի կիրառումը

Իրավական17:06, 25 Փետրվար 2014

ԵԽ զեկույցում քննադատվում է Թուրքիայում և Ուկրաինայում ցուցարարների նկատմամբ ուժի կիրառումը

Եվրախորհրդի Մարդու իրավունքների գծով կոմիսար Նիլս Մուիժնեքսի կողմից հրապարակված զեկույցում անդրադարձ կա Ուկրաինայում և Թուրքիայում զանգվածային բողոքի ցույցերի ժամանակ ոստիկանության կողմից օրենքի սահմաններից դուրս ուժի կիրառմանը:

Մասնավորապես ասվում է, որ իրենք բողոքներ են ստացել Գեզիի դեպքերի ժամանակ արցունքաբեր գազի և անհամաչափ ուժի կիրառման վերաբերյալ: Հայտնում է թուրքական «Հյուրիյեթը»:

Հիշեցնենք, որ անցած տարվա մայիսի 28-ից Թուրքիայում մի քանի օր շարունակ տեղի էին ունեցել զանգվածային բողոքի ցույցեր, որոնց պատճառն իշխանությունների քաղաքաշինական նոր ծրագիրն է, ըստ որի, Ստամբուլի կենտրոնական Գեզի զբոսայգու մեծ մասը պետք է ոչնչացվեր, իսկ ծառերը` հատվեին: Զբոսայգու ոչնչացմանն ու ծառահատմանն ընդդիմացած ցուցարարների դեմ թուրքական ոստիկանությունը բիրտ ուժ է կիրառել` օգտագործելով արցունքաբեր գազ, ջրցան մեքենաներ, պլաստիկ փամփուշտներ և հատուկջոկատայիններ: Հետևանքը եղավ այն, որ բնապահպանական բնույթի ցույցերն աստիճանաբար վերածվեցին հակակառավարական ակցիաների և ընդգրկեցին Թուրքիայի տասնյակ քաղաքներ:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։