Թուրքիայի խորհրդարանում առաջարկվել է քաղաքացիություն տալ 1915-ից հետո երկիրը լքած քաղաքացիներին

Իրավական13:50, 28 Փետրվար 2014

Թուրքիայի խորհրդարանում առաջարկվել է քաղաքացիություն տալ 1915-ից հետո երկիրը լքած քաղաքացիներին

Թուրքիայի քրդական «Խաղաղություն և ժողովրդավարություն» կուսակցությունը ներկայացնող պատգամավոր Էրոլ Դորան Թուրքիայի ազգային մեծ ժողով օրենքի նախագիծ է ներկայացրել, որն առաջարկում է փոփոխություն մտցնել քաղաքացիության մասին օրենքում:

Ազգությամբ ասորի պատգամավորի ներկայացրած օրենքի նախագիծն առաջարկում է այն մարդկանց կամ նրանց ժառանգներին, ովքեր 1915 թ. հունիսի 1-ից տարբեր պատճառներով սեփական հայրենիքից հեռացել կամ էլ ստիպված լքել են, տալ Թուրքիայի քաղաքացիություն և հնարավորություն բնակվել Թուրքիայում այնտեղ, որտեղ ցանկանան:

Թուրքական «Դեմոկրատ հաբեր» լրատվական կայքը ներկայացրել է այն անհրաժեշտ փաստաթղթերը, որոնք, օրենքի նախագծի համաձայն, պետք է ներկայացնել քաղաքացիություն ստանալու համար:

• Ժամանակշրջանի անձնագիր կամ անձնագրի փոխարեն կիրառվող այլ փաստաթուղթ:

• Եկեղեցու կամ սինագոգի գրացումներ:

• Փոքրամասնությունների հիմնադրամների գրանցումներ:

• Օսմանյան փաստաթղթեր, զինվորական փաստաթուղթ, բնակչության գրանցում, նավի ուղևորների գրանցամատյան, ամուսնության վկայական կամ սեփականության վկայական:

• Նախկին բնակության վայրերի վկաների ցուցմունքներ:

• Բնակություն հաստատած երկրների բնակչության գրանցամատյաններից փաստաթղթեր, որոնք կհաստատեն Թուրքիայից գաղթելու փաստը:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։