Թուրքիան հնարավոր է Գյուլենի արտահանձնման գործընթաց սկսի

Իրավական14:28, 01 Մարտ 2014

Թուրքիան հնարավոր է Գյուլենի արտահանձնման գործընթաց սկսի

Վերջին շրջանում Թուրքիայում լուրեր են շրջանառվում այն մասին, որ իշխանությունները հնարավոր է Միացյալ Նահանգներին դիմեն այնտեղ բնակվող Գյուլենական շարժման առաջնորդ Ֆեթուլլահ Գյուլենին Թուրքիային արտահանձնելու առաջարկով: «Կանալ 7» հեռուստաալիքի եթերով հանդես եկած Թուրքիայի արդարադատության նախարար Բեքիր Բողդաղն անդրադարձել է վերոնշյալ թեմային: Հարցին, թե իսկապես Անկարան մտադիր է դիմել Վաշինգտոնին Գյուլենին արտահանձնելու առաջարկով, նախարարը պատասխանել է, որ առայժմ կառավարությունը չի լիազորել կոնկրետ մարդու այդ հարցով զբաղվելու համար: Բայց և չի էլ բացառել, որ համապատասխան իրավական գործընթացի մեկնարկի դեպքում արտահանձնման դիմում լինի Թուրքիայի կողմից:

Հիշեցնենք, որ Ֆեթուլլահ Գյուլենը սկսյալ 1999-ից որպես վտարանդի բնակվում է ԱՄՆ-ում: Թուրքիայի 1997թվականի փետրվարի 28-ի հետմոդեռնիստական ռազմական հեղաշրջումից հետո իսլամական այս ազդեցկ գործչի նկատմամբ սկսվեց քրեական հետապնդում իրականացվել, ինչ պատճառով էլ նա ստիպված եղավ տեղափոխվել ԱՄՆ: Գյուլենը մեղադրվում էրԹուրքիայի աշխարհիկ կարգերը խորտակելու կողմնակիցներին աջակցելու մեջ: Գյուլենը համարվում է արդի իսլամի և ժողովրդավարության սինթեզը կրող ու աշխարհում Թուրքիայի ազդեցությունը ուժեղացնող անձ:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։