Մահացել է Գեզիի դեպքերի ժամանակ վիրավորված պատանին

Իրավական11:17, 11 Մարտ 2014

Մահացել է Գեզիի դեպքերի ժամանակ վիրավորված պատանին

Թուրքիայում մահացել է Գեզիի ցույցերի ժամանակ ոստիկանության կողմից գազային ատրճանակից ծանր վնասվածք ստացած Բերքին Էլվանը:

15-ամյա պատանին 269 օր կոմայի մեջ մնալուց հետո այսօր առավոտյան մահացել է: Հայտնում է թուրքական «Հաբերթուրք» լրատվական կայքը:

Հիշեցնենք, որ 2013 թվականի ամռան սկզբին Ստամբուլի Գեզի զբոսայգու բնապահպանական շարժումից հակակառավարական հզոր ցույցերի վերածված հանրային բողոքը սաստելու համար թուրքական ոստիկանությունը իրականացրել էր անհամաչափ ուժային գործողություններ: Դրանց հետևանքով, ի թիվս այլ քաղաքացիների, գազային ատրճանակից հասցված ծանր վնասվածք էր ստացել նաև Բերքին Էլվանը:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։