ՄԻԵԴ-ը մասնակի բավարարել է Օջալանի հայցը ընդդեմ Թուրքիայի

Իրավական12:34, 18 Մարտ 2014

ՄԻԵԴ-ը մասնակի բավարարել է Օջալանի հայցը ընդդեմ Թուրքիայի

ՄԻԵԴ-ը մասնակի բավարարել է Թուրքիայում ցմահ բանտարկության դատապարտված «Քուրդիստանի բանվորական կուսակցության» առաջնորդ Աբդուլլահ Օջալանի հայցը: Վերջինս, դիմելով եվրոպական դատարան, բողոքել է բանտային պայմաններից` նշելով, որ բանտում խախտվում է իր անձնական և ընտանեկան կյանքի իրավունքը: Օջալանի հայցում նաև նշվել էր, որ նա բանտում կամաց-կամաց թունավորվում է քրոմով ու սոդայով:

Դատարանը վճռել է, որ բանտային պայմանները իսկապես անընդունելի են և Թուրքիան պետք է բարելավի դրանք, ինչպես նաև պետք է իրավական մեխանիզմներ ստեղծվեն, որոնք կապահովեն Թուրքիայում ցմահ բանտարկյալների ազատ արձակման հնարավորությունը:

Դատարանի վճռով հայցվորին, որպես դատական ծախսերի հատուցում, պետք է վճարվի 25 հազար եվրո: Տեղեկացնում է թուրքական «Անադոլու» լրատվական կայքը:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։