Էրդողանին Էդիրնեում վիրավորել են. 18 հոգի ձերբակալվել է

Իրավական10:06, 20 Մարտ 2014

Էրդողանին Էդիրնեում վիրավորել են. 18 հոգի ձերբակալվել է

Թուրքիայի Էդիրնե քաղաքում վարչապետ Ռեջեփ Թայիփ Էրդողանին վիրավորելու համար ձերբակալվել է 18 հոգի: Տեղեկացնում է «CNNTurk»-ը:

Էդիրնեում անցկացրած նախընտրական հանրահավաքից հետո Էրդողանի քաղաքից մեկնելու ընթացքում վերոնշյալ անձինք վարչապետի հասցեին վիրավորանքներ են հնչեցրել, ինչից հետո նրանք ձերբակալվել են` պետական անձին վիրավորելու մեղադրանքով: Ձերբակալվածներից 2-ը ուսանողներ են: Նրանք շենքի վրա կախել են հսկայական պաստառ` Գեզի դեպքերի ժամանակ ստացած վնասվածքից մահացած պատանու նկարով և «Մարդասպան Էրդողան» գրությամբ:

Նշենք, որ մարտի 30-ին Թուրքիայում կանցկացվեն ՏԻՄ ընտրություններ:

Ներկայումս քաղաքական կուսակցությունները նախընտրական քարոզարշավի շրջանակներում շրջում են երկրի տարբեր շրջաններում ու հանդիպումներ ունենում ընտրողների հետ:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։