Թուրքիայի ՍԴ. Twitter-ի արգելափակումով խախտվել է սահմանադրության 26-րդ հոդվածը

Իրավական08:10, 03 Ապրիլ 2014

Թուրքիայի ՍԴ. Twitter-ի արգելափակումով խախտվել է սահմանադրության 26-րդ հոդվածը

Twitter միկրոբլոգի հասանելիությունը Թուրքիայի ինտերնետ-տիրույթում արգելափակվել է կառավարության կապի և հեռահաղորդակցության վարչության կողմից ընդունված որոշման արդյունքում: Արգելափակման որոշման օրինականությունը վիճարկող հայցերով քաղաքացիներ Յաման Աքդենիզը, Մուստաֆա Սեզգինը և Քերեմ Ալթըփարմաքը անհատական հայցերով դիմել են Սահմանադրական դատարան (ՍԴ):

Թուրքիայի ՍԴ-ն, քննելով ներկայացված հայցերը, բավարարել է` հակասահմանադրական ճանաչելով սոցկայիք արգելափակման մասին Կապի և հեռահաղորդակցության ընդունած որոշումը: Ըստ «Դողան» լրատվական գործակալության` Թուրքիայի ՍԴ-ն փաստել է, որ արգելափակման մասին ընդունված որոշումը խախտում է խոսքի ազատության ապահովման վերաբերյալ սահմանադրության 26-րդ հոդվածը:

Հիշեցնենք, որ նախքան Twitter-ի արգելափակումը վարչապետ Ռեջեփ Թայիփ Էրդողանն իր հրապարակային ելույթներից մեկում ասել էր. «Թվիթեր-մվիթեր, այդ ամենն արմատաքիլ ենք անելու»:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։