Թուրքիայում համասեռամոլ բանտարկյալներին առանձին բանտ կհատկացվի

Իրավական08:56, 14 Ապրիլ 2014

Թուրքիայում համասեռամոլ բանտարկյալներին առանձին բանտ կհատկացվի

Թուրքիայի արդարադատության նախարար Բեքիր Բոզդաղը հայտարարել է, որ աշխատանքներ են ընթանում Թուրքիայում բանտարկյալ համասեռամոլների համար առանձին բանտ ստեղծելու համար:

Ըստ «Սոնդաքիքա» լրատվական կայքի` նախարարի այս հայտարարությունը հասարակական շրջանակներում քննարկման առիթ է դարձել: Որոշները կողմ են, իսկ ոմանք էլ դեմ են հանդես եկել այս նախաձեռնությանը` պնդելով, որ առանձին բանտի ստեղծումը սխալ գաղափար է, քանի որ համասեռամոլների մի մասը չի ցանկանում բացահայտել իր սեռական կողմնորոշումը:

Նախարարն ասել է, որ նախաձեռնության նպատակը սեռական այլ կողմնորոշում ունեցողների անվտանգության ապահովումն է: Թուրքիայի ԼԳԲՏ կազմակերպությունները ներկայացնող փաստաբան Ֆըրաթ Սոյլեն ասել է, որ նախարարի հայտարարությունը չունի իրավական հիմք , քանզի քրեակատարողական հիմնարկներում պատիժը կրողներն ունեն հավասար իրավունքներ:
ԼԳԲՏ կազմակերպության անդամ, ակտիվիստ Էբրու Քըրանջն էլ ասել է. «Համասեռամոլներին առանձին բանտ հատկացնելու փոխարեն , թող հացադուլ անող բանտարկյալների պայմանները բարելավեն : Բաֆրայի բանտում մարդիկ մահամերձ վիճակում են, սակայն չեն ցանկանում մեռնել»:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։