Թուրքիայի գլխավոր ընդդիմադիրն Էրդողանին կվճարի բարոյական վնասի փոխհատուցում

Իրավական12:46, 08 Մայիս 2014

Թուրքիայի գլխավոր ընդդիմադիրն Էրդողանին կվճարի բարոյական վնասի փոխհատուցում

Թուրքիայի վարչապետ Ռեջեփ Թայիփ Էրդողանը շահել է բարոյական փոխհատուցման պահանջով Քեմալ Քըլըչդարօղլուի դեմ ներկայացրած դատական հայցը: Վերջինս գլխավորում է Թուրքիայի ընդդիմադիր «Ժողովրդահանրապետական կուսակցություն»-ը (ԺՀԿ-CHP):

Ինչպես հայտնում է թուրքական «Աքշամ» պարբերականը, Էրդողանը, նախորդ տարի Քըլըչդարօղլուի հեռուստատեսային և հանրահավաքային ելույթներից որոշ հատվածներ համարելով իր անձի համար վիրավորական, դիմել էր դատարան:

Գործը քննող Անկարայի դատարանն արդեն կայացրել է վճիռ, համաձայն որի, Քըլըչդարօղլուն պարտավոր է Էրդողանին վճարել 10.000 թուրքական լիրա (ավելի քան 6.000 դոլար)` որպես բարոյական վնասի փոխհատուցում:

Նշենք, որ մեղադրող կողմը դատարան ներակայացրած հայցում որպես բարոյական վնասի փոխհատուցում պահանջել էր 100.000 լիրա գումար:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։