Թուրք փաստաբանները չեն ցանկանում պաշտպանել Սոմայի ածխհանքի վթարի մեղադրյալների շահերը

Իրավական10:57, 19 Մայիս 2014

Թուրք փաստաբանները չեն ցանկանում պաշտպանել Սոմայի ածխհանքի վթարի մեղադրյալների շահերը

Թուրքիայի Մանիսա նահանգի Սոմա շրջանում ածխահանքում առաջացած վթարի առնչությամբ Սոմայի դատախազությունը քրեական գործ է հարուցել: Գործի շրջանակներում բերման են ենթարկել 25 հոգու, այդ թվում նաև հանքի սեփականատեր Ալփ Գյուրքանի որդին՝ Ջան Գյուրքանը: Նրանք մեղադրվում են անփութության, մեկից ավելի մարդկանց մահվան պատճառ դառնալու մեջ:

Թուրքական «Յենիշաֆաք» թերթը տեղեկացնում է, որ ձերբակալվածները մնացել են առանց փաստաբանի, քանի որ սոմացի իրավաբանները հրաժարվել են նրանց պաշտպանել: Սոմայի իրավաբանների գրասենյակի փաստաբանները հայտնել են, որ 301 մարդու կյանք խլած ողբերգությունը քննող դատական պրոցեսին չեն ցանկանում մասնակցել , քանի որ մեղադրյալներին պաշտպանելը «բարոյական չի լինի»:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։