Թուրքիայի ՍԴ-ն ճանաչել է, որ Օջալանի իրավունքները ոտնահարվել են

Իրավական08:21, 26 Հունիս 2014

Թուրքիայի ՍԴ-ն ճանաչել է, որ Օջալանի իրավունքները ոտնահարվել են

Թուրքիայի Սահմանադրական դատարանը (ՍԴ) քննել է «Քուրդիստանի բանվորական կուսակցության» (ՔԲԿ-PKK) ցմահ բանտարկյալ առաջնորդ Աբդուլլահ Օջալանի վերաբերյալ հայցադիմումը: Ինչպես հայտնում է թուրքական ընդդիմադիր «Ջումհուրիյեթ» կայքը, Սահմանադրական դատարանի 17 անդամից 14-ի (3-ը չեն մասնակցել) միաձայն որոշմամբ կայացվել է վճիռ, համաձայն որի, տեղի է ունեցել Օջալանի իրավունքների ոտնահարում:

Բանն այն է, որ Օջալանի հեղինակած «Քուրդիստանի հեղափոխական մանիֆեստ, քրդական հարց և ազգային, ժողովրդավարական լուծում (մշակութային ցեղասպանության ճիրաններից պաշտպանել քրդերին)» աշխատությունը տպագրական փուլի ժամանակ բռնագրավվել և հրկիզվել է: Դրանից հետո Օջալանի փաստաբանները հանդես էին եկել հայտարարությամբ այն մասին, որ խախտվել են սահմանադրությամբ, մարդու իրավունքների եվրոպական հռչակագրով և քաղաքացիական ու քաղաքական իրավունքների մասին դաշնագրով երաշխավորված մարդու իրավունքները:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։