Աթիլլա Քարթը դատի է տվել Էրդողանին ունեցվածքի սխալ հայտարարագիր ներկայացնելու համար

Իրավական11:47, 04 Հուլիս 2014

Աթիլլա Քարթը դատի է տվել Էրդողանին ունեցվածքի սխալ հայտարարագիր ներկայացնելու համար

Թուրքիայի գլխավոր ընդդիմադիր ուժի` «Ժողովրդահանրապետական» կուսակցության (ԺՀԿ-CHP) իրավաբաններից մեկը` Քոնիայից պատգամավոր ընտրված Աթիլլա Քարթը հայց է ներկայացրել դատարան` վիճարկելու վարչապետ Ռեջեփ Թայիփ Էրդողանի կարողության չափի վերաբերյալ հայտարարգիրը: Քարթը պնդում է, որ հայտարարգիրը թերի է, չի արտացոլում իրականությունը և ենթակա է շտկումների:

Իրավաբան պատգամավորն իր հայցում նշում է, որ Էրդողանն իր ունեցվածքը դիտմամբ գրանցել է տղաների, աղջիկների, փեսաների անուններով և թաքցրել կարողության իրական չափը` խախտելով կոռուպցիայի և կաշառակերության դեմ պայքարի մասին օրենքի դրույթները:

Նշենք, որ հրապարակված սեփականության հայտարարագրի տվյալներով Էրդողանի կարողությունը կազմված է ներքոնշյալներից:

Անշարժ գույք

Գյունեյսու գավառի Դումանքայա գյուղում գտնվող 2.000 քմ հողատարածք ՝ 10.000 թուրքական լիրա արժողությամբ:

Շարժական գույք

Մարդատար մեքենա՝ 234.080 թուրքական լիրա արժողությամբ:

Բանկային հաշիվներ և արժեթղթեր

4.404.192 լիրա, 200.000 ԱՄՆ դոլար:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։