Թուրքիայի ՍԴ-ն վճիռ է կայացրել Դինքի սպանության գործով

Իրավական11:16, 18 Հուլիս 2014

Թուրքիայի ՍԴ-ն վճիռ է կայացրել Դինքի սպանության գործով

Թուրքիայի Սահմանադրական դատարանը կայացրել է վճիռ, ըստ որի, Դինքի սպանության գործով դատավարության ընթացքում տեղի է ունեցել իրավախախտում: Դատավճիռը կայացվել է ի բավարարումն Դինքի ընտանիքի ներկայացրած «ոչ արդյունավետ քննություն կատարելու» մասին անհատական հայցի: Որոշումն ընդունվել է միաձայն:

Դինքի ընտանիքը բողոքել էր, որ արդյունավետ քննություն չի անցկացվել և կատարված քննության մասին ոչ մի իրազեկում չեն ստացել: Դինքի ընտանիքի փաստաբաններից Հաքան Բաքըրջըօղլունը թուրքական BBC-ի հետ զրույցում նշել է, որ դատարանի որոշման հիմնավորումները դեռ իրենց չեն հասել և հայտնի չէ, թե ինչ հանգամանքներ են ընկած դրանց հիմքում:

Ըստ Բաքըրջըօղլուի` Դինքի ընտանիքի անունից Սահմանադրական դատարան է ներկայացվել երկու տարբեր հայց: Մեկը վերաբերում է քննությունը կարճելու որոշմանը, իսկ մյուսը` պատասխանատու պաշտոնատար անձանց նկատմամբ հետաքննություն սկսելու արգելքին:

Դինքի ընտանիքի մյուս փաստաբան Ֆեթհիյե Չեթինը տեղեկացրել է, որ Ստամբուլի Հանրապետական դատախազությունում դեռևս 2007 թվականից Դինքի սպանությանն առնչվող և ընթացքի մեջ գտնվող ևս մեկ դատական գործ կա:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։