Ստամբուլի դատախազությունը փակել է կոռուպցիոն սկանդալի վերաբերյալ հարուցված գործը

Իրավական08:52, 20 Հոկտեմբեր 2014

Ստամբուլի դատախազությունը փակել է կոռուպցիոն սկանդալի վերաբերյալ հարուցված գործը

Ստամբուլի հանրապետական գլխավոր դատախազությունը հայտնի կոռուպցիոն սկանդալի վերաբերյալ սկսված քրեական գործի շրջանակներում 53 անձի մասով դատական հետապնդումը դադարեցնելու որոշում է կայացրել:

Թուրքական «Հաբեր էմեք» լրատվակաn կայքի հաղորդմամբ՝ մայիսի 2-ին նման որոշում կայացվել էր գործով անցնող ևս 60 անձանց վերաբերյալ, որոնց շարքում են եղել հայտնի թուրք գործարար Ալի Աղաօղլուն ու նախկին նախարար Էրդողան Բայրաքթարի որդին: Այսպիսով դեկտեմբերի 2013-ի 17-ի կոռուպցիոն սկանդալի գործով այլևս մեղադրյալ չկա, ինչն ինքնաբերաբար հանգեցնելու է գործի փակմանը:

Նշենք, որ Թուրքիայում սկանդալ էր սկսվել, երբ դեկտեմբերի 17-ին ոստիկանությունը ձերբակալել էր մի քանի տասնյակ մարդու` գործարարների, պաշտոնյաների և նրանց ազգականներին՝ պետական տենդերների հետ կապված մեքենայությունների, պաշտոնեական լիազորությունները չարաշահելու և կաշառակերության կասկածանքով: Այն ժամանակվա վարչապետ Ռեջեփ Թայիփ Էրդողանը պաշտոնաթող էր արել 10 նախարարի: Կոռուպցիոն սկանդալի տնտեսական վնասը գերազանցում է 100 միլիարդ դոլարը:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։