Թուրքական ընկերությունները դուրս են մնացել սահմանային ականզերծումների համար հայտարարված տենդերից

Իրավական10:00, 08 Դեկտեմբեր 2014

Թուրքական ընկերությունները դուրս են մնացել սահմանային ականզերծումների համար հայտարարված տենդերից

Դեկտեմբերի 8-ին լրանում սահմանամերձ գոտիներում ականապատ տարածքների մաքրման աշխատանքների իրականացման համար հայտարարված տենդերի ժամկետը: Թուրքական «Ա հաբեր» լրատվակայքը հայտնում է, որ մրցույթը հայտարավել է` համաձայն երկրի ներքին գործերի նախարարության և ՄԱԿ-ի միջև ստորագրված արձանագրության:

Ըստ այդմ` նախատեսվում է ականազերծել 11.5 մլն քմ տարածք Հայաստանի, Իրանի և Ադրբեջանի հետ սահմանակից գոտիներում: Ականազերծման վերոնշյալ ծրագրի արժեքը կազմում է շուրջ 80 մլն եվրո: Թուրքիան հարևանների հետ սահմանամերձ գոտիներում ականազերծման աշխատանքները ցանկանում է կատարել է իր չափանիշները Եվրամիության սահմանների համալիր կառավարման քաղաքականության և ռազմավարության հետ համապատասխանեցնելու նպատակով: Ականամաքրումից հետո պիտի ներդրվեն սահմանների վերահսկման ավելի մարդասիրական և արդյունավետ ժամանակակից համակարգեր:

Նշվում է, որ թուրքական ընկերությունները չեն կարողացել բավարարել կամ համապատասխան լինել ներկայացված խստագույն պահանջներին, հետևաբար դուրս են մնացել տենդերից:

«Տենդերի պայմանների մեջ պարտադիր է եղել, որ 2011. 2012 և 2013 թվականին առնվազն 3 ականամաքրման ծրագիր ավարտած լինի հավակնորդ ընկերությունը: Իսկ այդպիսիք աշխարհի մասշտաբով կա ընդամենը անգլո-ամերիկյան 5 ընկերություն»,- տեղեկացնում է «Ա հաբեր»-ը:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։