Նեդիմ Շեներ. «Դինքի սպանությանը հանցակից են հետախուզությունը, ոստիկանությունը, ԶՈւ գլխավոր շտաբը»

Իրավական09:12, 12 Դեկտեմբեր 2014

Նեդիմ Շեներ. «Դինքի սպանությանը հանցակից են հետախուզությունը, ոստիկանությունը, ԶՈւ գլխավոր շտաբը»

Պոլսահայ ականավոր գործիչ, Ստամբուլում հրատարակվող «Ակոս» թերթի հիմնադիր-խմբագրապետ Հրանտ Դինքի սպանության գործով վերսկսված դատալսումները դարձյալ քննարկումների օրակարգ են բերել թեման: Մասնավորապես սպանություն կատարած Օգյուն Սամասթը սկսել է վկայի կարգավիճակով նոր ցուցմունքներ տալ:

Թուրք այլախոհ լրագրող Նեդիմ Շեները «Փոսթա» թերթում հրապարակած հոդվածում անդրադարձել է Դինքի սպանության ծրագրված, կազմակերպված բնույթին, ինչպես նաև ծրագրածներին ու կազմակերպիչներին:

«Տարիներ շարունակ գրում եմ, որ Հրանտ Դինքի սպանությունը միավորված աշխատանք է, այսպես ասած` մի կոնսորցիում»,- նշում է Շեները` թվարկելով, թե ովքեր են մաս կազմել այդ «կոսորցիումին»:

Թուրքիայի ԶՈւ գլխավոր շտաբը, որը Դինքի մասին տեղեկություններ է հրապարակել և MİT-ին հանձնարարել նախազգուշացնել Դինքին:

Ազգային հետախուզական ծառայությունը (MİT), որը Ստամբուլի նահանգապետարանում Դինքին կոչ է արել զգույշ լինել:

Տրապիզոնի ժանդարմերիայի հրամանատարությունը, որը, նախապես տեղեկանալով Դինքի սպանության մասին, նահանագապետարանի անվտանգության ժողովներին հարցը օրակարգ չի բերել և կանխարգալիչ միջոցներ չի ձեռնարկել:

Տրապիզոնի ոստիկանությունը, որը, իմանալով Դինքի հնարավոր սպանության ծրագրված լինելը, անուշադրության է մատնել այն:

Նեդերը հանցավոր անտարբերության մեջ մեղադրում է նաև Ստամբուլի ոստիկանությանը: Լրագրողը համոզված է, որ սպանության անմիջական կազմակերպիչներ Յասին Հայալը, Էրհան Թունջելը և անմիջական կատարող Օգյուն Սամասթը հանցավոր շղթայի միայն վերջին օղակներն են, իսկ շղթան բավականին երկար է: Ըստ Շեների` Հրանտը սպանվեց, որովհետև բարձրաձայնում էր Հայոց ցեղասպանության մասին, հայ-թուրքական համերաշխությանը խաղաղության միջոցով հասնելու մասին:

«Եվ որովհետև նա հայ էր, ձախակողմյան գաղափարների կրող էր: Աթաթուրքի հոգեդուստր Սաբիհա Գյոքչենին հայ որբ համարող էր»,- գրում է Նեդերը:

Նշենք, որ Նեդիմ Շեները հեղինակն է «Դինքի սպանությունը և հետախուզության ստերը» գրքի: Նրա նկատմամբ 2011-ին քրեական հետապնդում է իրականացվել: Լրագրողների պաշտպանության կոմիտեի կողմից 2013-ին Շեներն արժանացել է միջազգային մամուլի ազատության ամենամյա մրցանակին:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։