Էրդողանը` ծաղրանկարում. «Բա այսպես չոր ու ցամաք կլինի՞: Գոնե մի լրագրող կմորթեինք»

Իրավական08:15, 26 Մարտ 2015

Էրդողանը` ծաղրանկարում. «Բա այսպես չոր ու ցամաք կլինի՞: Գոնե մի լրագրող կմորթեինք»

Թուրքիայում հրապարակվող երգիծական «Penguen» ամսագրի հայտնի ծաղրանկարիչները Թուրքիայի Հանրապետության նախագահ Ռեջեփ Թայիփ Էրդողանին վիրավորելու մեղադրանքով ավելի քան 11 ամիս ազատազրկման են դատապարտվել:

Ծաղանկարիչներ Բահադիր Բարութերի և Օզեր Այդողանի հեղինակած ծաղրանկարը ներկայացնում է նախագահի մուտքը նոր նախագահական պալատ, որտեղ նրան դիմավորող պաշտոնյան Էրդողանին մատներով շրջանակ է ցույց տալիս (նույնասեռականների խորհրդանիշը):

Չնայած ծաղրանկարիչների փաստաբանը հայնտել է, որ նկարում նախագահին վիրավորող որևէ արտահայտություն չկա, այնուամենայնիվ, Բարութերի ու Այդողանի նկատմամբ դատարանը կայացրել է 11 ամսվա և 20 օրվա ազատազրկման որոշում, որը փոխարինվել է 7000 (մոտ 3000 դոլար) թուրքական լիրա տուգանքով:

Ուշագրավ է այն հանգամանքը, որ վիրավորանք է դիտվել ծաղրանկարում ոչ այդքան ակնառու ժեստը, մինչդեռ ահա ծաղրանկարում Էրդողանին վերագրվող սարսափելի արտահայտությունը չի համարվել վարկաբեկիչ, մնացել է անարձագանք:

Խոսնքն այն մասին է, որ Էրդողանին դիմավորող պաշտոնյան ասում է. «Բարով եք եկել նստավայր, հաջողություն Ձեր գործերին»: Դրան ի պատասխան Էրդողանն ասում է. «Բա այսպես չոր ու ցամաք կլինի՞: Գոնե մի լրագրող կմորթեինք»:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։