Թուրքիայում 15 մարդ է ձերբակալվել քուրդ զինյալներին աջակցելու կասկածանքով

Իրավական08:14, 06 Օգոստոս 2015

Թուրքիայում 15 մարդ է ձերբակալվել քուրդ զինյալներին աջակցելու կասկածանքով

Թուրքիայի Ադըյաման նահագում «Քուրդիստանի բանվորական կուսակցության» (ՔԲԿ-PKK) դեմ իրականացված ոստիկանության հատուկ գործողության ժամանակ 15 մարդ է ձերբակալվել, որոնց անունները, սակայն, չեն հրապարակվում:

Թուրքական «haberturk» լրատվական ծառայության համաձայն՝ ՔԲԿ-ին աջակցելու մեջ կասկածվող մի շարք անձանց տներում Ադըյամանի նահանգային անվտանգության վարչության ահաբեկչության դեմ պայքարի բաժնի իրականացված խուզարկման արդյուքում հայտնաբերվել են ՔԲԿ-ի հետ կապված բազմաթիվ փաստաթղթեր: Բուժզննություն անցնելուց հետո կասկածյալները բերման են ենթարկվել ահաբեկչության դեմ պայքարի բաժին՝ հարցաքննվելու:

Թուրքական «Dogan Haber» լրատվական գործակալություն էլ տեղեկացնում է, որ Շըրնաք նահանգում մի խումբ ՔԲԿ-ականներ փորձել են ներխուժել Չաքըրսյողութի ժանդարմերիայի 1-ին բրիգադ, սակայն նրանց նկատել են անվտանգության ուժերը: Ըստ աղբյուրի՝ անվտանգության ուժերի և նահանջող ՔԲԿ-ականների միջև զինված բախում է տեղի ունեցել, գործողությանը մասնակցել է նաև թուրքական արտադրության մեկ ռազմական ուղղաթիռ:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։