Թուրքիայում 6 մարդ է ձերբակալվել Էրդողանին վիրավորելու մեղադրանքով

Իրավական17:22, 03 Սեպտեմբեր 2015

Թուրքիայում 6 մարդ է ձերբակալվել Էրդողանին վիրավորելու մեղադրանքով

Թուրքական արդարադատությունը 6 հոգու նկատմամբ ձերբակալման որոշում է կայացվել, ևս 3 հոգու նկատմամբ հետախուզում հայտարարվել: Վերջիններս մեղադրվում են խաղաղության միջազգային օրվա առթիվ սեպտեմբերի 1–ին Թուրքիայի Էսքիշեհիր քաղաքում կազմակերպված երթի ժամանակ նախագահ Ռեջեփ Թայիփ Էրդողանի հասցեին վիրավորական կարգախոսներ հնչեցնելու մեջ;

Ըստ թուրքական «Hürriyet» պարբերականի կայքի՝ «Գող, մարդասպան Էրդողան» արտահայտության համար իրենց տներից հապճեպորեն ձերբակալված վեց քաղաքացիները չեն ընդունել մեղադրանքը՝ հատարարելով, որ իրենք այդ երթին մասնակցել են միայն աշխարհում խաղաղության հաստատման, Թուրքիայում տեղի ունեցող բախումների դադարեցման իրենց պահանջը բարձրաձայնելու համար և հանդես են եկել միայն խաղաղարար կոչերով:

Մեղադրյալները նշել են, որ Էրդողանի վերաբերյալ վերոհիշյալ արտահայտությունը իրենք չեն վանկարկել և չեն էլ լսել: Մեղադրյալներից ոմանք երթին մասնակցելիս են եղել իրենց մանկահասակ երեխաների հետ:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։