Հասան Ջեմալին կանչել են դատախազություն՝ Էրդողանի դեմ հոդված գրելու համար բացատրություն տալու

Իրավական09:50, 18 Սեպտեմբեր 2015

Հասան Ջեմալին կանչել են դատախազություն՝ Էրդողանի դեմ հոդված գրելու համար բացատրություն տալու

Թուրքիայի Ստամբուլի պետական դատախազությունը հետաքննություն է սկսել թուրք հայտնի լրագրող, թուրքական «T24» լրատվամիջոցի սյունակագիր և Թուրքիայի «Անկախ լրագրողական հարթակ» կազմակերպության ղեկավար խորհրդի նախագահ Հասան Ջեմալի նկատմամբ:

Թուրքական «cumhuriyet» թերթի կայքի հաղորդմամբ` հետաքննության պատճառը Թուրքիայի նախագահ Ռեջեփ Թայիփ Էրդողանի վերաբերյալ գրված «Թափվող արյան թիվ մեկ պատասխանատուն նախագահական պալատի սուլթանն է ու վերջ» վերնագրով Ջեմալի քննադատական հոդվածն է:

Նշվում է, որ Ջեմալի հիշյալ հոդվածը որոշակի կասկածների տեղիք է տվել, ինչ համար էլ նրան հրավիրել են ցուցմունք տալու, իսկ եթե չներկայանա, զգուշացրել են, որ բերման կենթարկեն:

Նշենք, որ Հասան Ջեմալը Հայոց ցեղասպանության գլխավոր կազմակերպիչներից մեկի` Ջեմալ Փաշայի թոռն է: Նա աշխատել է թուրքական «Cumhuriyet», «Sabah», «Milliyet» թերթերում։ Նա 2012 թվականին տպագրել է «1915. Հայոց ցեղասպանություն» գիրք, որը մեծ աղմուկ էր հանել, թե Հայաստանում, թե Թուրքիայում:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։