Թուրքիան գազի սակագնի զեղչի հարցով Ռուսաստանի դեմ հայց է ներկայացրել

Իրավական12:58, 27 Հոկտեմբեր 2015

Թուրքիան գազի սակագնի զեղչի հարցով Ռուսաստանի դեմ հայց է ներկայացրել

Թուրքիան, ռուսական գազի սակագնի զեղչի տրամադրման հարցում Ռուսաստանի հետ վերջնական համաձայնության չգալով, դիմել է միջազգային արբիտրաժային դատարան:

Թուրքական «Hurriyet» թերթի կայքը մեջբերել է թուրքական կողմի էներգետիկ պատասխանատուներից մեկի` «Reuters» լրատվական գործակալությանը տված հարցազրույցը. «Ռուսական Գազպրոմի հետ որոշ ժամանակ շարունակվում էր բանակցությունները, սակայն դրանք չտվեցին սպասվող արդյունքները: Այժմ արբիտրաժային դատարան դիմում է ներկայացվել, կարծում եմ այնտեղ որոշում կկայացվի»:

Աղբյուրը հիշեցրել է, որ դեռևս 2014-ի դեկտեմբերին Ռուսաստանի նախագահ Վլադիմիր Պուտինը Թուրքիա կատարած այցի ժամանակ հայտարարել էր Թուրքիային գազի լրացուցիչ ծավալ տրամադրելու, ինչպես նաև 2015-ի հունվարի 1-ից սկսած թուրքական կողմին տրամադրվելիք գազի գնի 6 տոկոսանոց զեղչի մասին: Պուտինն ավելացրել էր նաև, որ այս թեմայով բանակցությունները կշարունակվեն:

Նշվում է, որ չնայած այս ամենին` մինչ այս պահը վերջնական համաձայնագիր դեռ չի ստորագրվել: Եվ Թուրքիան ռուսական գազը գնում է առանց զեղչերի:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։