Թուրքիայի քրդամետ կուսակցության համանախագահի նկատմամբ հետաքննություն է սկսվել

Իրավական10:33, 19 Նոյեմբեր 2015

Թուրքիայի քրդամետ կուսակցության համանախագահի նկատմամբ հետաքննություն է սկսվել

Դիարբեքիրի գլխավոր դատախազությունը Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) համանախագահ Ֆիգեն Յուքսեքդաղի նկատմամբ հետաքննություն է սկսել: Ինչպես տեղեկացնում է թուրքական «demokrathaber» լրատվական կայքը, հետաքննություն սկսելու համար որպես փաստարկ ներկայացվել է այն պնդումը, թե Յուքսեքդաղը վիրավորել է զինվորներին, որոնք խոչընդոտել են նրան պարետային ժամին մտնել Սիլվան:

Այս դեպքը տեղի էր ունեցել նոյեմբերի 12-ին, երբ զինվորները հարձակվել էին Յուքսեքդաղի վրա, իսկ արձակված արցունքաբեր գազի պարկուճը դիպել էր Յուքսեքդաղի գլխին՝ վնասվածք պատճառելով նրան: Դեպքից մեկ օր անց Յուքսեքդաղի և նրա ուղեկիցների վրա նաև կրակ էին բացել:

Այս հարձակումների առնչությամբ ԺԴԿ-ն էլ իր հերթին Դիրաբեքիրի նահանգապետի, Սիլվանի ՏԻՄ ղեկավարի, Սիլվանի ոստիկանապետի և ժանդարմերիայի հրամանատարի դեմ նոյեմբերի 15-ին Ստամբուլի դատախազությանը դիմում էր ներկայացրել սպառնալու, վիրավորանք հասցնելու, մահափորձի և դիտավորյալ մարմնական վնասվածք հասցնելու փաստարկով:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։