Թուրքահայերը Պոլսո հայոց պատրիարքի համար խնամակալ նշանակելու հայցով դիմել են դատարան

Իրավական11:59, 27 Նոյեմբեր 2015

Թուրքահայերը Պոլսո հայոց պատրիարքի համար խնամակալ նշանակելու հայցով դիմել են դատարան

Թուրքիայի` ազգությամբ հայ 4 քաղաքացի Պոլսի հայոց պատրիարք Մեսրոպ Մութաֆյանի համար խնամակալություն սահմանելու հայցով դատարան են դիմել:

Հայցադիմումի մեջ նշվում է, որ հայոց պատրիարքը 9 տարի է, ինչ հիվանդ է, և այդ մասին տեղյակ է ինչպես հայ համայնքը, այնպես էլ Թուրքիայի հասարակությունը:

Թուրքական «bugun» թերթը գրում է, որ ներկայացված դիմումի համաձայն, Մութաֆյանին խնամակալ է հարկավոր, քանի որ պատրիարքը մտավոր տկարության և հիվանդության պատճառով ի վիճակի չէ գիտակցել իր դրությունը և շահերը:

Որպես խնամակալի թեկնածու ներկայացվել է պատրիարքի մայրը՝ Մարի Մութաֆյանը, որը 2008 թվականից խնամում է հիվանդանոցում գտնվող որդուն: Մարի Մութաֆյանի՝ խնամակալությունից հրաժարվելու դեպքում, պահանջվում է խնամակալ նշանակել մեկ այլ մարդու:

Մեսրոպ Մութաֆյանը Պոլսո հայոց պատրիարք է ընտրվել 1998 թվականին: 2008 թվականի հուլիսից հիվանդության պատճառով նա ի վիճակի չէ եղել շարունակել իր պարտականությունները: Մութաֆյանի բացակայության պայմաններում պատրիարքի փոխանորդ է նշանակվել Արամ արքեպիսկոպոս Աթեշյանը:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։