Թվիթերյան գրառման համար Թուրքիայում քրգործ է հարուցվել ընդդիմադիր լրագրողի նկատմամբ

Իրավական09:45, 22 Դեկտեմբեր 2015

Թվիթերյան գրառման համար Թուրքիայում քրգործ է հարուցվել ընդդիմադիր լրագրողի նկատմամբ

Անկարայի հանրապետական դատախազությունը քրեական գործ է հարուցել թուրքական ընդդիմադիր «Cumhuriyet» թերթի թղթակից Ալի Ջան Ուլուդաղի նկատմամբ: Նա մեղադրվում է «Twitter»-ում միկրոբլոգի իր էջում կատարած գրառման համար, որով իբր խախտել է, Թուրքիայի նախագահ Ռեջեփ Թայիփ Էրդողանի հայցով կալանավորված «Cumhuriyet» թերթի գլխավոր խմբագիր Ջան Դյունդարի նկատմամբ իրականացվող հետաքննության գաղտնիությունը:

Նշվում է, որ մեղադրող կողմը դատարանից պահանջում է 1-3 տարվա ազատազրկում:

Հիշեցնենք, որ Ջան Դյունդարին և հիշյալ թերթի Անկարայի թղթակից Էրդեմ Գյուլինը մեղադրվում են ահաբեկչական խմբավորումների հետ առնչություն ունենալու, ռազմական լրտեսություն իրականացնելու և գաղտնի նյութեր հրապարակելու մասին հոդվածների հատկանիշներով:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։