Եվրադատարանը ամենաշատ դիմումներ ստացել է Թուրքիայից, Ռուսաստանից և Ուկրաինայից

Իրավական07:58, 29 Հունվար 2016

Եվրադատարանը ամենաշատ դիմումներ ստացել է Թուրքիայից, Ռուսաստանից և Ուկրաինայից

Մարդու իրավունքների եվրոպական դատարանի (ՄԻԵԴ) հրապարակած է 2015 թվականի զեկույցում նշվում է, որ նախորդ տարվա ընթացքում եվրոպական դատարան ամենաշատը դիմել են Ուկրաինայից, Ռուսաստանից ու Թուրքիայից:

Ըստ CNNTurk լրատվական ծառայության` եվրոպական բարձրագույն դատարանը ստացել է 64.850 դիմում, որից 13.850-ը` Ուկրաինայից, 9.200-ը Ռուսաստանից, իսկ 8.450-ը` Թուրքիայից: Թուրքիայից ուղարկված դիմումների հիման վրա սկսված քննությունները կազմել են ամբողջի 13 տոկոսը:

2015-ի ընթացքում ՄԻԵԴ-ը տարբեր երկրներից ստացված դիմումների առնչությամբ կայացրել է ընդհանուր առմամբ 823 որոշում, որից 116-ը վերաբերել է Ռուսաստանին: Երկրորդ տեղում Թուրքիան է` 87 որոշում: Թուրքիայի վերաբերյալ կայացրած որոշումներից 79-ում արձանագրվել է այդ երկրի կողմից Մարդու իրավունքների եվրոպական կոնվենցիայի առնվազն մեկ դրույթի խախտում:

Թուրքիան ամենաշատը մեղավոր է ճանաչվել (20 դատավճիռ) արդար դատավարության սկզբունքը խախտելու համար:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։