Թուրքիայում պահանջում են անձեռնմխելիությունից զրկել գլխավոր ընդդիմադիրին

Իրավական11:45, 26 Փետրվար 2016

Թուրքիայում պահանջում են անձեռնմխելիությունից զրկել գլխավոր ընդդիմադիրին

Անկարայի հանրապետական դատախազությունը, Թուրքիայի գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) առաջնորդ Քեմալ Քըլըչդարօղլուի դեմ նախագահ Ռեջեփ Թայիփ Էրդողանին վիրավորելու հիմքով սկսած իրավական գործընթացի արդյունքում դիմում է ուղարկել Թուրքիայի արդարադատության նախարարություն` Քըլըչդարօղլուին պատգամավորական անձեռնմխելիությունից զրկելու պահանջով:

Ըստ թուրքական «Hurriyet» թերթի կայքի` արդարադատության նախարարությունը դիմումը պետք է ուղարկի մեջլիս, որպեսզի այնտեղ ընդդիմադիր կուսակցապետին անձեռնմխելիությունից զրկելու գործընթաց կազմակերպվի:

Քըլըչդարօղլուի դեմ իրավական գործընթաց սկսելու առիթ է հանդիսացել Էրդողանի հասցեին ասած «չստացված բռնապետ» արտահայտությունը:

Ընդդիմադիր կուսակցապետին առաջադրվել է «Հանրապետության նախագահին վիրավորանք» և «պետական պաշտոնյաին պաշտոնի հետ կապված վիրավորանք» մեղադրանքները: Այդ մեղադրանքները նախատեսում են 2-6 տարվա ազատազրկում:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։