Ընդդիմադիր գործչին Թուրքիայում դատի են տվել Ղարաբաղի վերաբերյալ արած արտահայտության համար

Իրավական06:46, 12 Ապրիլ 2016

Ընդդիմադիր գործչին Թուրքիայում դատի են տվել Ղարաբաղի վերաբերյալ արած արտահայտության համար

Թուրքիայի սևծովյան Գիրեսուն նահանգի համանուն համալսարանի ադրբեջանական ծագումով ռեկտոր Այգյուն Աթթարը թուրք իրավաբան Ալի Չելիքայայի հետ համատեղ դատական հայց են ներկայացրել քրդամետ «Ժողովուրդների դեմոկրատական կուսակցության» (ԺԴԿ-HDP) համանախաահ Սելահաթթին Դեմիրթաշի դեմ:

Նրանք Դեմիրթաշին մեղադրում են Թուրքիայի քրեական օրենսգրքի 216-րդ և 304-րդ հոդվածների դրույթները խախտելու, այսինքն «ժողովրդի մեջ ատելություն և թշնամություն սերմանելու» և «Պետության դեմ պատերազմ հրահրելու» մեջ:

«Հայցի մեջ մասնավորապես նշված է, որ Դեմիրթաշն իր ռուսաստանյան այցի ժամանակ անդրադարձել է Ղարաբաղում տեղի ունեցող վերջին զարգացումներին: Նա Ղարաբաղի մասին արտահայտվել է «Լեռնային Ղարաբաղի ինքնավար հանրապետություն» ձևակերպմամբ, որը ճիշտ չէ, քանի որ Ղարաբաղում երբեք ինքնավար հանրապետություն չի ստեղծվել»,- գրում է Hurriyet-ը:

Դեմիրթաշին դատի տալու պատճառ է դարձել ոչ միայն Ղարաբաղի մասին արված արտահայտությունը, այլ նաև մի շարք մտքեր Սիրիայում ռուսական կործանիչի խոցման և Քոբանիի դեպքերի վերաբերյալ:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։