Թուրքիայում 7.850 ոստիկանից առգրավել են զենքերը և կասեցրել նրանց ծառայությունը

Իրավական09:16, 18 Հուլիս 2016

Թուրքիայում 7.850 ոստիկանից առգրավել են զենքերը և կասեցրել նրանց ծառայությունը

Հեղաշրջման փորձի տապալումից հետո Թուրքիայի բոլոր ուժային կառույցներում հետաքննություններ ու գործողություններ են սկսվել:

Ըստ թուրքական «Haberler.com» լրատվական կայքի` վերոնշյալ գործողությունների շրջանակներում երկրի տարբեր նահանգներում ընդհանուր առմամբ 7.850 ոստիկան է ժամանակավորապես հեռացվել պարտականությունների կատարումից: Նրանց շարքերում շատ են ոստիկանության բարձրաստիճան պաշտոնյաները:

Բոլոր նահանգների ոստիկանական բաժանմունքներին ցուցակներ են ուղարկվել, որոնցում նշված է եղել այն ոստիկանների անունները, որոնց ծառայողական պարտականությունները պիտի կասեցվեն, մինչև հետաքննության ավարտը: Դրանից հետո կորոշվի վերջիններիս հետագա ճակատագիրը:

Նշվում է, որ այդ ծառայողներից առգրավվել են իրենց ամրակցված զենքերն ու վկայականները:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։