Պոլսահայ լրագրողի անձնագրի առգրավման հարցով Գարո Փայլանը դիմել ՆԳ նախարարին

Իրավական13:45, 08 Օգոստոս 2016

Պոլսահայ լրագրողի անձնագրի առգրավման հարցով Գարո Փայլանը դիմել ՆԳ նախարարին

Թուրքիայի քրդամետ «Ժողովուրդների դեմոկրատական կուսակցության» անդամ, (HDP-ԺԴԿ) պոլսահայ պատգամավոր Գարո Փայլանը պոլսահայ լրագրող Հայկո Բաղդատի անձնագիրն առանց հիմնավորման առգրավելու փաստի առնչությամբ գրավոր դիմում է ներկայացրել Ներքին գործերի նախարար Էֆքան Ալային: Թուրքական «Birgun» լրատվական կայքը տեղեկացմամբ՝ ոստիկանությունը Հայկո Բաղդատի անձնագիրն առգրավել էր Ստամբուլի Աթաթուրքի անվան օդանավակայանում, երբ Բաղդատը արտերկրից վերադարձել էր Ստամբուլ:

Նշվում է, որ ոստիկանները Բաղդատի անձնագիրն առգրավելիս որևէ հիմնավորում չեն ներկայացրել, պարզապես նշել են, որ այդ մասին լրագրողը կիմանա մոտ օրերին:

Այս առնչությամբ Փայլանը Ներքին գործերին նախարարին խնդրել է պարզաբնումներ տալ հետևյալ հարցերին.

Լրագրողների անձնագրերը ի՞նչ հիմնավորմամբ են առգրավվում և ի՞նչ իրավական կարգով է դա կատարվում:
Ովքե՞ր են այն մարդիկ, ում անձնագրերը առգրավվել կամ առգրավվելու են հուլիսի 15-ին տեղի ունեցած ռազմական հեղաշրջման փորձից հետո:
Արդյո՞ք որևէ հետաքննություն սկսվել է այն լրագրողների նկատմամբ, որոնց անձնագրերը առգրավվել են:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։