Վերջին 1 տարում Թուրքիայի` պարետային ժամ հայտարարված շրջաններում 1552 մարդ է մահացել

Իրավական13:49, 30 Օգոստոս 2016

Վերջին 1 տարում Թուրքիայի` պարետային ժամ հայտարարված շրջաններում 1552 մարդ է մահացել

Մարդու իրավունքների Ասոցիացիայի Դիարբեքիրի մասնաճյուղը Թուրքիայի հարավ-արևելքում վերջին 1 տարվա ընթացքում տարբեր քաղաքներում ժամանակ առ ժամանակ հայտարարված պարետային ժամերի ընթացքում տեղի ունեցած մարդու իրավունքների խախտումների մասին զեկույց է հրապարակել:

2015-ի հուլիսի 24-ից 2016-ի հուլիսը 24-ն ընկած ժամանակահատվածի համար կատարված ուսումնասիրությունը տվյալներ է պարունակում նաև ոստիկանական ուժերի և «Քուրդիստանի բանվորական կուսակցության» զինյալների միջև գրանցված բախումների հետևանքով զոհված ու վիրավորված անձանց վերաբերյալ:

Ըստ թուրքական «Diken.com.tr» լրատվական կայքի` բախումների ընթացքում ընդհանուր առմամբ մահացել է 1552 մարդ, որոնցից 320-ը քաղաքացիական անձիք են, 614-ը` քուրդ զինյալներ, 422-ը` անվտանգության ծառայողներ: 320 քաղաքացիական անձանց շարքում 75-ը երեխաներ են եղել: Նշվում է նաև, որ 440 հոգու նկատմամբ առանց դատարանի որոշման «մահապատիժ» է իրականացվել: Այդ ընթացում ձերբակալվել է 7884 մարդ, որոնցից 275-ը անչափահաս, կալանավորվել է 1959 մարդ, որնցից 81-ը անչափահաս:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։