HDP-ն զեկույց է հրապարակել՝ թուրք-քրդական բախումների ընթացքում Սուրի շրջանին հասցված վնասների մասին

Իրավական13:35, 06 Սեպտեմբեր 2016

HDP-ն զեկույց է հրապարակել՝ թուրք-քրդական բախումների ընթացքում Սուրի շրջանին հասցված վնասների մասին

Թուրքիայի քրդամետ «Ժողովուրդների դեմոկրատական կուսակցությունը» (ԺԴԿ-HDP) պատրաստել է մի զեկույց, որում ներկայացվում են թուրք-քրդական բախումների հետևանքով Դիարբեքիրի Սուրի շրջանին հասված վնասները:

Ինչպես հաղորդում է թուրքական «Birgun» թերթի կայքը, զեկույցը ընդգրկում է թուրք-քրդական բախումների այն ժամանակահատվածը, երբ շրջանում 6 անգամ հայտարարվել էր պարետային ժամ:

Զեկույցի համաձայն Սուրում թուրք ոստիկանության և զինվորների կողմից իրականացված գործողությունների ժամանակ վնասվել են ՅՈՒՆԵՍԿՕ-ի պատմական ժառանգություն հանդիսացող այնպիսի հուշարձաններ, ինչպիսիք են`հայկական Սուրբ Կիրակոս եկեղեցին, տեղի բողոքական եկեղեցին, 1516-1520թթ հիմնադրված Ֆաթիհ փաշա մզկիթը, Հասրլը, Շեյխ Մութահհար, Հաջը Համիթ մզկիթները և Քըլըչ Ալի թաշա բաղնիքը:

Զեկույցում նշվում է, որ 2016 հունիսի 29-ից սկսած Սուրում շուրջ 240 օրվա ընթացքում 55 մարդ է զոհվել:

Նշվում է, որ որոշ պատմական հուշարձաններ նույնիսկ հրետանակոծվել է:

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։