Իզմիրի քաղաքապետարանի 6 վարորդի մեղադրանք է առաջադրվել Էրդողանին վիրավորելու համար

Իրավական13:46, 27 Սեպտեմբեր 2016

Իզմիրի քաղաքապետարանի 6 վարորդի մեղադրանք է առաջադրվել Էրդողանին վիրավորելու համար

Իզմիրի քաղաքապետարանում աշխատող ավտոբուսի վեց վարորդների մեկուկեսից մինչև 6.5 տարվա ազատազրկում է սպառնում Թուրքիայի նախագահ Ռեջեփ Թայիփ Էրդողանին և նախկին վարչապետ Ահմեթ Դավութօղլուին վիրավորելու համար:

Թուրքական «Doğan» լրատվական գործակալության փոխանցմամբ՝ այսօր տեղի է ունեցել 1 տարի առաջ սկսված դատավարության հերթական նիստը: Նշվում է, որ մեղադրյալները «Facebook» սոցիալական ցանցում վիրավորական մեկնաբանություններ են տարածել Էրդողանի ու Դավութօղլուի նկարների տակ:

Կասկածյալները, սակայն, նշել են, որ իրենք որևէ մեկին վիրավորելու նպատակ չեն ունեցել և իրենց տարածած լուսանկարներում այլ անձանց մեկնաբանություններ են գրված եղել:

Դատավորը որոշում է կայացրել գրություն ուղարկել Անկարայի դատարան ճշտելու համար, թե արդյոք հայցվորները չեն հրաժարվում 1 տարի առաջ իրենց ներկայացրած բողոքից` հաջորդ դատական նիստը հետաձգելով մինչև նոյեմբեր:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։