Հեղաշրջման փորձի օրը Թուրքիայում այսուհետև կլինի ոչ աշխատանքային

Իրավական10:31, 20 Հոկտեմբեր 2016

Հեղաշրջման փորձի օրը Թուրքիայում այսուհետև կլինի ոչ աշխատանքային

Թուրքիայի ազգային մեծ ժողովը (ԹԱՄԺ) հուլիսի 15-ը ոչ աշխատանքային օր հռչակելու որոշում է ընդունել:

Թուրքական իշխանամետ «Sabah» թերթի կայքը հայտնում է, որ խորհրդարանը հաստատել է հուլիսի 15-ը, որպես «Ժողովրդավարության և ազատության» օր, ոչ աշխատանքային դարձնելու մասին օրինագիծը: Մեկ այլ որոշմամբ՝ խորհրդարանը Անկարա նահանգի Քազան գավառն անվանափոխվել է Քահրաման Քազանի (Հերոս Քազան):

Նշենք, որ հուլիսի 15-ին Թուրքիայում հեղաշրջման փորձ էր կատարվել, որը ճնշվել էր ժողովրդի դիմադրության օգնությամբ: Այդ պայքարը Թուրքիայում իշխանության և մամուլի կողմից անվանվեց ժողովրդավարության և ազատության հաղթանակ ընդդեմ ահաբեկչության:

Բնակչությունը առաջինը դիմադրություն ցույց տվեց հենց Քահրամանքազանի վերանվանված Քազան շրջանում, որտեղ գտնվում էր հայտնի Աքընջը ռազմաօդային բազան: Շուրջ 8 հազար քաղաքացի գրոհել էր ռազմաբազան՝ F-16 կործանիչները թռիչքը խոչընդոտելու համար: Միայն ռազմաբազայում սպանվել էր 7, իսկ շրջանում 10 քաղաքացի, 59-ը վիրավորվել էր:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։