Թուրքիայի իշխող կուսակցության շարքերը մաքրում են գյուլենականներից

Իրավական07:32, 25 Հոկտեմբեր 2016

Թուրքիայի իշխող կուսակցության շարքերը մաքրում են գյուլենականներից

Թուրքիայում գյուլենականների (իսլամի հայտնի քարոզիչ, ամերիկաբնակ թուրք միլիարդատեր Ֆեթուլլահ Գյուլնեի հետևորդները) «որսը» հասել է իշխող «Արդարություն և զարգացում» կուսակցության (AKP-ԱԶԿ) շարքերին:

Թուրքական «Doğu» լրատվական գործակալության տեղեկացմամբ՝ «Ֆեթուլլահի ահաբեկչական կազմակերպության» (FETÖ) գործով հետաքննության շրջանակներում բերման են ենթարկվել հարավ-արևմտյան Բուրդուր նահանգի Բուջաք շրջանի ԱԶԿ-ական ղեկավար Սյուլեյման Մութլուն և նրա կինը Մինե Մութլուն:

FETÖ - Թուրքիայի իշխանությունները և մամուլն այսպես են անվանում Ֆեթուլլահ Գյուլնեի հիմնած շարժումը:

Ոստիկանության պահանջով դատարանը Սուլեյման Մութլուի նկատմամբ կալանավորման որոշում է կայացրել: Իսկ նրա կինն ազատ է արձակվել՝ տարածքը չլքելու պայմանով:

Նշենք, որ Թուրքիայի իշխանությունները Գյուլենին մեղադրում են հուլիսի 15-ին Թուրքիայում ռազմական հեղաշրջման փորձի կազմակերպման մեջ:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։