Թուրքիայում ձերբակալել են քրդամետ կուսակցության 11 պատգամավորի

Իրավական06:57, 04 Նոյեմբեր 2016

Թուրքիայում ձերբակալել են քրդամետ կուսակցության 11 պատգամավորի

Թուրքիայում ձերբակալվել են քրդամետ ընդդիմադիր «Ժողովուրդների դեմոկարադական կուսակցության» (ԺԴԿ-HDP) 11 պատգամավոր, այդ թվում կուսակցության համանախագահներ՝ Սելահաթթին Դեմիրթաշը և Ֆիգեն Յուքսեքդաղը:

Թուրքական «Demokrathaber» լրատվական կայքի տեղեկացմամբ՝ ԺԴԿ-ից 15 պատգամավորի ձերբակալելու որոշում է եղել, որոնցից այս պահին ձերբակալվել են 11-ը՝ Նուրսել Այդողանը, Զիա Փիրը, Լեյլա Բիրլիքը, Ֆերահ Էնջյուն, Սելմա Ըրմաքը, Գյուլսեր Յըլդըրըմը, Մեհմեթ Ալի Ասլանը, Սըրրը Սյուրեյա Օնդերը, Իդրիս Բալուքենը և կուսակցության 2 համանախագահները: Մյուս 4 պատգամավրներից 2-ը գտնվում են արտերկրում, մյուս երկուսի ձերբակալման համար աշխատանքներ են տարվում:

Կայքը նշում է, որ ընդդիմադիր պատգամավորները ձերբակալվել են, քանի որ նրանք հրաժարվել էին անձեռնամխելիության վերացումից հետո իրենց նկատմամբ սկսված իրավական գործընթացի շրջանակներում ցուցմունք տալ:

Թուրքիայի ներքին գործերի նախարարություն հայտարարություն է տարածել, որտեղ նշվում է, որ ԺԴԿ-ի պատգամավորները ձերբակալվել են Դիարբեքիրի, Շըրնաքի, Հաքքարիի, Վանի, Բնգյոլի դատախազությունների կարգադրությամբ՝ դատարան բերելու համար:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։