Թուրքիայում գյուլենականների հետ կապ ունենալու մեղադրանքով կալանավորվածների թիվը հասել է 36.000-ի

Իրավական14:00, 10 Նոյեմբեր 2016

Թուրքիայում գյուլենականների հետ կապ ունենալու մեղադրանքով կալանավորվածների թիվը հասել է 36.000-ի

Թուրքիայի արդարադատության նախարար Բեքիր Բոզդաղը հայտարարել է, որ երկրում գյուլենականների դեմ իրականացվող հետաքննության շրջանակներում մինչ այժմ կալանավորվել է 36.000 մարդ:

Ըստ թուրքական «birgun» թերթի կայքի` Բոզդաղի տեղեկություններով` 4.115 կասկածյալ էլ գտնվում են փախուստի մեջ, որոնք նույնպես մեղադրվում են գյուլենական համայնքի հետ կապեր ունենալու մեջ: Նրանցից 92-ը զինվորներ են, 213-ը՝ ոստիկան:

Թուրքական իշխանությունների համոզմամբ՝ հուլիսի 15-ի պետական հեղաշրջման փորձը նախաձեռնել ու կազմակերպել էին գյուլենականները:

Թուրքիայի արդարադատության նախարարը նաև նշել է, որ Թուրքիայի դատաիրավական համակարգից վերոնշյալ մեղադրանքներով մինչև օրս հեռացվել է 3.456 դատավոր և դատախազ:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։