Թուրքիայում աշխատանքից հեռացվել են հարյուրավոր դատավորներ ու դատախազներ

Իրավական07:53, 17 Նոյեմբեր 2016

Թուրքիայում աշխատանքից հեռացվել են հարյուրավոր դատավորներ ու դատախազներ

Թուրքիայի դատավորների և դատախազների բարձրագույն խորհուրդը (HSYK) որոշում է կայացրել գյուլենական համայնքի հետ կապ ունենալու մեղադրանքով աշխատանքից հեռացնել դատաիրավական համակարգի 203 աշխատակցի :

Ըստ թուրքական «Sondakika» լրատվական կայքի հեռացվածներից 149-ը դատավոր են, 44-ը դատախազ, 5-ը վարչական դատարանի, 2-ը շրջանային դատարանի անդամներ, 1-ը ծանր հանցագործությունների դատարանի նախագահ, 1-ը դատական տեսուչ, և ևս մեկը հարկային հարցերով դատարան անդամ:

Հիշեցնենք, որ հուլիսի 15-ին Թուրքիայում ռազմական հեղաշրջման փորձ էր կատարվել: Թուրքիայի իշխանությունները փորձը կազմակերպելու մեջ մեղադրում են իսլամի քարոզիչ, ամերիկաբնակ միլիարդատեր Ֆեթուլլահ Գյուլենին: Հեղաշրջման փորձից հետո բոլոր բնագավառները հատկապես՝ ուժային կառույցները, կրթական ու դատական համակարգերը գյուլենականներից մաքրելու գործընթաց է սկսվել: Աշխատանքից ազատվել են տասնյակ հազարավոր մարդիկ, շատերը ձերբակալվել են:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։