Թուրքիայում շարունակվում է գյուլենականների որսը

Իրավական08:17, 23 Նոյեմբեր 2016

Թուրքիայում շարունակվում է գյուլենականների որսը

Թուրքիայում շարունակվում է ահաբեկչական խմբավորում համարվող «գյուլենական համայնքի» (FETÖ) ենթադրյալ անդամների կամ աջակիցների որսը: Թուրքական «Sabah» թերթի տեղեկացմամբ՝ FETÖ-ի հետ կապված հետաքննության շրջանակներում նոր գործողութjուններ են ձեռնարկվել:

Թուրքական իշխանությունները համարում են, որ հուլիսի 15 ռազմական հեղաշրջման փորձի կազմակերպիչները հենց եղել են գյուլենականները՝ իրենց ամերիկաբնակ առաջնորդի՝ Ֆեթուլլահ Գյուլենի գլխավորությամբ:

Ստամբուլի գլխավոր դատախազի օգնական Զաֆեր Քոչի ղեկավարած գործողության ընթացքում քրեակատարողական հիմնարկների 25 աշխատակցի վերաբերյալ ձերբակալման կամ հետախուզման որոշում է կայացվել:

Ձերբակալվածների թվում է նաև Սիլիվրիի բաց ռեժիմի քրեակատարողական հիմնարկի տնօրեն Հասան Թոփալօղլուն: Նրա տներում խուզարկություն է անցկացվում: Նշենք, որ Սիլիվրիի քրեակատարողական հիմնարկը հայտնի է որպես ամենակատարյալ անվտանգության համակարգն ունեցող նմանատիպ կառույցը Թուրքիայում:

Նույն հետաքննության շրջանակներում ավելի վաղ ձերբակալվել էին 230 կասկածյալ, որոնցից 17-ը ներկայումս կալանավորված են: Ընդհանուր առմամբ, Թուրքիայում FETÖ-ին աջակցության կա անդամակցության մեղադրանքով կալանավորվածների թիվը հատել է 40.000-ի սահմանը:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։