Թուրքիայում քրդամետ կուսակցության պատգամավորների նկատմամբ հետապնդումները շարունակվում են

Իրավական12:30, 08 Դեկտեմբեր 2016

Թուրքիայում քրդամետ կուսակցության պատգամավորների նկատմամբ հետապնդումները շարունակվում են

Թուրքիայի ոստիկանությունը Ստամբուլի պետական համալսարանից բերման է ենթարկել քրդամետ «Ժողովուրդների դեմոկրատական» կուսակցության (ԺԴԿ-HDP) պատգամավոր, ակտիվիստ, գրող և քաղաքական գործիչ Հյուդա Քայային: Ինչպես հաղորդում է թուրքական «Haberler» լրատվամիջոցը, պատգամավորին տեղափոխել են Ստամբուլի Չաղլայան կոչվող դատարան:

Քայան եկել էր համալսարան, որպեսզի իր աջակցությունը ցուցաբերեր «Eğitim-Sen» հասարակական կազմակերպության կողմից անցկացվող միջոցառմանը: Վերջինիս միջամտել է ոստիկանությունը և պատգամավորին բերման ենթարկել:

Աղբյուրը նշում է, որ հայտնի չէ, թե որն է եղել Քայայի բերման ենթարկելու պատճառը: Դատարան են մեկնել նաև Քայայի իրավաբանները:

Քայան ծնվել է 1960թ. Ստամբուլում: Երկար տարիներ աշխատել է Հորդանանի, Պակիստանի, Իրանի Իսլամական Հանրապետության (ԻԻՀ), Լիբանանի, Պաղեստինի փախստականների ճամբարներում: «Մուսուլման կանայք» միջազգային միության անդամ է:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։