Թուրքիայում ձերբակալել են քրդամետ կուսակցության ևս 2 պատգամավորի

Իրավական10:20, 13 Դեկտեմբեր 2016

Թուրքիայում ձերբակալել են քրդամետ կուսակցության ևս 2 պատգամավորի

Թուրքիայում շարունակվում է ընդդիմադիր քրդամետ «Ժողովուրդների դեմոկրատական կուսակցության» (HDP-ԺԴԿ) դեմ ուղղված հետաքննությունների ու ձերբակալությունների ալիքը:

Ըստ թուրքական «Diken.com.tr» լրատվական կայքի` այս գիշեր ԺԴԿ-ի կենտրոնական գրասենյակի դիմացից ձերբակալվել են կուսակցության Դիարբեքիրի և Բաթմանի պատգամավորներ Չաղլար Դեմիրելը և Բեսիմե Քոնջան:

Նշվում է, որ քուրդ պատգամավորները ձերբակալվել են Դիարբեքիրի և Բաթմանի հանրապետական դատախազությունների կողմից իրենց նկատմամբ սկսված հետաքննությունների շրջանակում:

Քոնջայի նկատմամբ արդեն կալանավորման պահանջ է ներկայացվել:

Հիշեցնեք, որ նոյեմբերի 4-ին ձերբակալված քրդամետ կուսակցության անդամ 12 պատգամավորներից 9-ի, այդ թվում` կուսակցության համանախագահներ Սելահեթթին Դեմիրթաշի և Ֆիգեն Յուքսեքդաղի վերաբերյալ նոյեմբերի 9-ին կալանավորման որոշում էր կայացվել: Նոյեմբերի 11-ին էլ կալանավորվել էր Հաքքարիից ընտրված պատգամավոր Նիհաթ Աքդողանը:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։