Թուրքիայում ևս 2 քուրդ քաղաքապետ է ձերբակալվել

Իրավական13:41, 16 Դեկտեմբեր 2016

Թուրքիայում ևս 2 քուրդ քաղաքապետ է ձերբակալվել

Թուրքիայի Սիիրթ քրդաբնակ նահանգի դատախազության կողմից իրականացվող հետաքննության սահմաններում ժանդարմերիայի ստորաբաժանումները հատուկ գործողություն են իրականացրել նահանգի Բայքան և Վեյսել Քարանի քաղաքապետարաններում և համաքաղաքապետների բնակարաններում:

Ըստ թուրքական «Demokrathaber.org» լրատվական կայքի` գործողության արդյունքում ձերբակալվել են Վեյսել Քարանի համաքաղաքապետ Էնես Ջենգիզը և Բայքանի քաղաքապետ Սելվա Էրդողանը: Նշվում է, որ ձերբակալության որոշում կա նաև Բայքանի մյուս համաքաղաքապետ Ալի Այդընի նկատմամբ, ում չի հաջողվել ձերբակալել քաղաքից բացակայելու պատճառով: Ձերբակալված քաղաքապետերը քրդական «Ժողովրդավարական շրջաններ կուսակցության» (DBP-ԺՏԿ) անդամներ են:

Նշենք, որ վերջին ամիսներին Թուրքիայում ձերբակալվել են 4 տասնյակից ավել քուրդ քաղաքապետեր, որոնք հիմնականում մեղադրվել են «Քուրդիստանի բանվորական կուսակցության» (PKK-ՔԲԿ) անդամ լինելու կամ դրան օժանդակելու մեջ: Ձերբակալված քաղաքապետերի թափուր պաշտոններում նշանակվում են պետական կառավարիչներ:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։