Ռուսաստանը և Թուրքիան դեսպանի սպանության գործը հետաքննելու համար համատեղ հանձնաժողով կստեղծեն

Իրավական07:05, 20 Դեկտեմբեր 2016

Ռուսաստանը և Թուրքիան դեսպանի սպանության գործը հետաքննելու համար համատեղ հանձնաժողով կստեղծեն

Թուրքիան և Ռուսաստանը պայմանավորվել են Անկարայում Ռուսաստանի դեսպան Անդրեյ Կառլովի սպանության հետաքննության նպատակով համատեղ հանձնաժողով ստեղծել:

Ըստ թուրքական «Sondakika.com» լրատվական կայքի` դեպքից հետո ՌԴ Նախագահ Վլադիմիր Պուտինը թուրք պաշտոնակից Ռեջեփ Թայիփ Էրդողանի հետ հեռախոսազրույցի ժամանակ առաջարկել է հետաքննության փուլում համատեղ հանձնաժողով ստեղծել: Էրդողանը դրական է արձագանքել Պուտինի առաջարկին: Մոսկվայում գտնվող Թուրքիայի արտգործնախարար Մևլութ Չավուշօղլուն էլ հայտարարել է, որ համատեղ հանձնաժողովը կհիմնվի շատ կարճ ժամանակում:

Հիշեցնենք, որ երեկ Անկարայում սպանվել է Թուրքիայում Ռուսաստանի արտակարգ և լիազոր դեսպան Անդրեյ Կառլովը։ Ռուս դեսպանի վրա հարձակումը կատարվել է Անկարայում ժամանակակից արվեստների կենտրոնում, որտեղ տեղի էր ունենում «Ռուսաստանը՝ Կալինինգրադից մինչև Կամչատկա, զբոսաշրջիկի աչքերով» լուսանկարչական ցուցահանդեսի պաշտոնական բացումը։

Հարձակումն իրականցրած անձը, ով եղել է ոստիկանության աշխատակից, մտել է թանգարան, Կառլովի ելույթի ժամանակ նախ օդ է կրակել, ապա մեջքից կրակել է դեսպանի վրա։ Մարդասպանը բղավոցով վանկարկել է «Ալլահ աքբար, չմոռանաք Հալեպը, չմոռանաք Սիրիան»: Մարդասպանը վնասազերծված է:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։