Թուրքիայում 37 դասախոս է բերման ենթարկվել

Իրավական08:18, 20 Հունվար 2017

Թուրքիայում 37 դասախոս է բերման ենթարկվել

Թուրքիայում ռազմական հեղաշրջման տապալումից հետո հուլիսի 20-ին հայտարարված արտակարգ դրության շրջանակներում իշխանությունները շարունակում են Ֆեթուլլահ Գյուլենի հետ առնչվող ամենատարբեր կազմակերպությունների գործունեության արգելումն ու մարդկանց ձերբակալությունները:

Ըստ թուրքական «Sondakika» լրատվական կայքի՝ Ստամբուլի դատախազության կողմից Ստամբուլի Տեխնիկական համալսարանում տարվող հետաքննության շրջանակներում 37 դասախոսի բերման ենթարկելու որոշում է կայացվել։

Աղբյուրի պնդմամբ՝ տարվող վերոնշյալ մտավորականների տներում խուզարկություն է կատարվել և հայտնաբերվել են գյուլենականների հետ իրենց կապը ցույց տվող փաստեր։

Հիշեցնենք, որ ավելի վաղ Թուրքիայի արդարադատության նախարար Բեքիր Բոզդաղը հայտարարել էր, որ հուլիսի 15-ին երկրում տեղի ունեցած հեղաշրջման փորձից հետո գյուլենականների դեմ սկսված հետաքննության շրջանակներում 32.000 մարդ է ձերբակալվել, ևս 70.000-ի նկատմամբ իրավական գործընթաց է տեղի ունենում:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։