Թուրքիան Գյուլենի արտահանձման համար նոր փաստաթղթեր է ուղարկել ԱՄՆ

Իրավական06:15, 03 Փետրվար 2017

Թուրքիան Գյուլենի արտահանձման համար նոր փաստաթղթեր է ուղարկել ԱՄՆ

Դոնալդ Թրամփի՝ ԱՄՆ-ի նախագահ դառնալուց հետո Թուրքիան լրացուցիչ փաստաթղթերի փաթեթ է ուղարկել ԱՄՆ-ի արդարադատության նախարարություն, ամերիկաբնակ միլիարդատեր, իսլամի քարոզիչ Ֆեթթուլահ Գյուլնին արտահանձնելու համար:

Միջանկյալ նշենք, որ թուրքական իշխանությունները նրան մեղադրում են Թուրքիայում 2016թ. հուլիսի 15-ին տեղի ունեցած ռազմական հեղաշրջման փորձի կազմակերպման մեջ:

Նշվում է, որ այդ փաթեթի մեջ տեղ են գտել այնպիսի փաստաթղթեր, որոնք ապացուցում են Գյուլենի մեղավորությունը հուլիսի 15-ին տեղի ունեցածի մեջ:

Հիշեցնենք, որ 2016թ. սեպտեմբերի 10-ին Թուրքիան պաշտոնապես ԱՄՆ-ից պահանջել էր Գյուլենի արտահանձնումը: Մասնավորապես Ստամբուլի հանրապետական դատախազությունը միջնորդություն էր ներկայացրել դատարան Գյուլենին ձերբակալելու որոշում կայացնելու համար: Նշյալ որոշումը հիմնավորվել էր այն փաստարկով, որ Թուրքիայում հուլիսի 15-ին տեղի ունեցած ռազմական հեղաշրջման փորձի հրահանգը տրվել է հենց Գյուլենի կողմից:

Իսկ հոկտեմբերի 27-ին Թուրքիայի արդարադատության նախարար Բեքիր Բոզդաղը մեկնել էր ԱՄՆ, որտեղ Գյուլենի արտահանձման հարցով հանդիպում ունեցել ԱՄՆ գլխավոր Լորետտա Լինչի հետ:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։