Լրագրող Հասան Ջեմալը դատապարտվել է 1.3 տարվա ազատազրկման

Իրավական13:30, 14 Փետրվար 2017

Լրագրող Հասան Ջեմալը դատապարտվել է 1.3 տարվա ազատազրկման

Ստամբուլի դատարանը հայտնի թուրք լրագրող, հրապարակախոս Հասան Ջեմալին դատապարտել է 1 տարի 3 ամսվա ազատազրկման, սակայն պատիժը հետաձգվել է անհայտ պատճառով:

Ըստ թուրքական «Dogan» լրատվական գործակալության `Ջեմալը մեղադրվել է 2016թ. գրած հոդվածներից մեկում «ահաբեկչական կազմակերպության օգտին քարոզչություն անելու» մեջ: Դատարանը վճիռը հրապարակելուց առաջ Ջեմալին տվել է վերջին խոսքի իրավունք: Նա մասնավորապես ասել է.

«47 տարվա լրագրող եմ: Մինչ օրս իմ կողմից գրված հոդվածների և գրքերի համար այս կերպ չեմ մեղադրվել: Երբեք չեմ պաշտպանել ահաբեկչությունը: Միշտ պաշտպանել եմ խաղաղությունը: Լրագրությունը հանցանք չէ: Այն հասարակությունում, որտեղ լրագրությունը հանցանք է համարվում, չկան ազատություններ, իրավունք և ժողովրդավարություն»:

Աղբյուրը նշում է, որ նույն դատարանում Հասան Ջեմալի դեմ ևս մի դատական գործ է բացված, որտեղ լրագրողին սպառնում է մինչև 8 տարվա ազատազրկում: Այդտեղ նույնպես Ջեմալը մեղադրվում է «ահաբեկչական կազմակերպությանը քարոզչություն քարոզչություն անելու մեջ»:

Հիշեցնենք, որ Հասան Ջեմալը` Հայոց ցեղասպանության կազմակերպիչներից մեկի` Օսմանյան կայսրության ռազմածովային ուժերի նախարար Ջեմալ փաշայի թոռն է: Անձամբ լրագրողը բազմիցս խոսել է Հայոց ցեղասպանության փաստի մասին: 1981-1992թթ և 1992-1998թթ եղել է թուրքական «Cumhuriyet» և «Sabah»թերթերի խմբագիրը:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։