Թուրքական դատարանը որոշել է կրկին ձերբակալել ազատ արձակած քրդամետ կուսակցության պատգամավորին

Իրավական13:28, 17 Փետրվար 2017

Թուրքական դատարանը որոշել է կրկին ձերբակալել ազատ արձակած քրդամետ կուսակցության պատգամավորին

Դիարբեքիրի ծանր հանցագործությունների 1-ին դատարանը որոշում է կայացրել կալանավորելու նպատակով ձերբակալել Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) կուսակցության Դիարբեքիրից ընտրված պատգամավոր Իդրիս Բալուքենին:

Բալուքենը, ում դեմ Դիարբեքիրի 8-րդ ծանր հանցագործությունների դատարանում 15 տարվա ազատազրկման և ցմահ բանտարկության պահանջով դատավարություն է ընթանում, հունվարի 30-ին ստորագրությամբ ազատ էր արձակվել մինչև նրա նկատմամբ դատավճռի կայացումը:

Ըստ թուրքական «Mynet.com» Լրատվական կայքի` այս որոշումը դատախազության կողմից բողոքարկվել էր 1-ին դատարանում, որը հանդիսանում է 8-րդ դատարանի վերաքննիչը: 1-ին դատարանն բավարարել է դատախազության բողոքը` քրդամետ կուսակցության պատգամավորի վերաբերյալ կրկին կալանավորելու նպատակով ձերբակալության որոշում կայացնելով:

Նշենք որ հունվարի 30-ին ազատ արձակված Բալուքենը ԺԴԿ-ական 12 այլ պատգամավորների հետ միասին ձերբակալվել ու կալանավորվել էր 2016-ի նոյեմբերի 4-ին «պետության միասնությունը և երկրի ամբողջականությունը խախտելու, ահաբեկչական կազմակերպության անդամ լինելու և կազմակերպության օգտին քարոզչություն անելու» մեղադրանքով:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։