Թուրքիայի վերաքննիչ դատարանը մերժել է «Wikipedia»-ի արգելափակման դեմ բողոքը

Իրավական11:42, 05 Մայիս 2017

Թուրքիայի վերաքննիչ դատարանը մերժել է «Wikipedia»-ի արգելափակման դեմ բողոքը

Անկարայի վերաքննիչ քրեական դատարանը մերժել է հանրահայտ «Wikipedia» ինտերնետային հանրագիտարանի արգելափակման դեմ համանուն հիմնադրամի ներկայացրած բողոքը: Այս մասին տեղեկացնում է թուրքական «Demokrat Haber» լրատվակայքը:

Կայքի արգելափակման որոշումն առաջինը բողոքարկել էին պրոֆեսոր Յաման Աքդենիզը և դոցենտ Քերեմ Ալթըփարմաքը: Այնուհետև նշյալ որոշումը բողոքարկել էր նաև «Wikipedia»-ին առընթեր հիմնադրամը:

Աքդենիզի և Ալթըփարմաքի բողաքարկման արդյունքում պարզվել է, որ ինտերնետային խոշորագույն հանրագիտարանը Թուրքիայի տարածքում արգելափակվել է ընդամենը երկու հոդվածի պատճառով: Դրանք են՝ «Foreign involvement in the Syrian Civil War / Արտաքին ներգրավվածությունը Սիրիայի քաղաքացիական պատերազմին» և «State-sponsored terrorism/ պետության կողմից հովանավորվող ահաբեկչություն» հոդվածները:

Թուրքիայի տեղեկատվական տեխնոլոգիաների և հեռահաղորդակցության խորհրդի նախագահ Ֆաթիհ Սայանը ընդգծել է, որ ոչ ոք իրավունք չունի անտեսել Թուրքիայի դատարանների որոշումները: «Առանց դատական որոշման «Wikipedia»-ի հասանելիության վերականգնումը հնարավոր չէ»,- հավելել է նա:

Հիշեցնենք, որ ապրիլի 29-ի վաղ առավոտից Թուրքիայում արգելափակվել է աշխարհում ամենահայտնի ինտերնետային ազատ հանրագիտարանի՝ Wikipedia-ի մուտքը: Այս մասին համապատասխան դատական որոշում չէր կայացվել, սակայն Թուրքիայի տեղեկատվական տեխնոլոգիաների և հեռահաղորդակցության խորհուրդը տեղեկացրել էր, որ կայքի նկատմամբ վարչական միջոցներ են կիրառվել:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։