Թուրքական դատարանը «National Geographic»-ի լրագրողին երկրից արտաքսելու որոշում է կայացրել

Իրավական13:33, 12 Մայիս 2017

Թուրքական դատարանը «National Geographic»-ի լրագրողին երկրից արտաքսելու որոշում է կայացրել

Մայիսի 8-ին Թուրքիայի հարավարևելյան Բաթման նահանգի Հասանքեյֆ շրջանում բերման է ենթարկվել «National Geographic»-ի ֆրանսիացի լրագրող Մաթիաս Դեպարդիոնը: Ըստ թուրքական «Mynet» լրատվական կայքի` Դեպարդիոնը ֆոտոռեպորտաժ էր պատրաստում Բաթմանի Հասանքեյֆ հինավուրց քարանձավային քաղաքի վերաբերյալ, որը ներկայումս ոչնչացման վտանգի տակ է: Բերման է ենթարկվել նաև նաև լրագրողի թարգմանիչը:

Նրանք մեղադրվում են սոցմեդիայում Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) օգտին քարոզչություն անելու մեջ:

Հարցաքնությունից հետո Դեպարդիոնի գործը փոխանցել են դատարան, որն էլ արտաքսելու մասին որոշում է կայացրել: Ֆրանսիացի լրագրողին տեղափոխել են Թուրքիայի Գազիանթեփ նահանգում գտնվող արտաքսման հարցերով զբաղվող կենտրոն:

Լրագրողի իրավաբանները դիմել են դատարան՝ արտաքսման որոշումը չեղարկելու պահանջով:

Հիշեցնենք, որ ավելի վաղ նույն մեղադրանքով Թուրքիայից արտաքսվեց իտալացի լրագրող Գաբրիելե Դել Գրանդեն: Վերջինս Թուրքիայի Հաթայ նահանգ էր մեկնել`Սիրիայի քաղաքացիական պատերազմի և «Իսլամական պետություն» ահաբեկչական խմբավորման ծագման մասին իր նոր գրքի համար որոշ նյութեր պատրաստելու նպատակով:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։