Թուրքիայի նախկին վարչապետին բռնի կերպով դատարան կտանեն

Իրավական07:59, 24 Մայիս 2017

Թուրքիայի նախկին վարչապետին բռնի կերպով դատարան կտանեն

Թուրքական դատարանը որոշում է կայացրել բռնի կերպով դատարան տանել Թուրքիայի նախկին վարչապետ Թանսու Չիլլերին, ով հրաժարվում է ցուցմունք տալ:
Ըստ թուրքական «Yeniçağ Gazetesi» թերթի կայքի՝ նա հարցաքննվելու է 1997թ. փետրվարի 28-ին Թուրքիայում տեղի ունեցած «թավշյա հեղաշրջման» գործի շրջանակներում, որի վերաբերյալ հետաքննությունը դեռևս շարունակվում է:

Դատական գործով հերթական լսումները տեղի կունենան հուլիսի 18-ին: Լսումները կընթանան Անկարայի 5-րդ ծանր հանցանքների դատարանում:

Նշենք, որ Չիլլերը նաև հանդիսացել էր Թուրքիայում այդ ժամանակ իշխող «Ճշմարիտ ուղի» կուսակցության նախագահը:

1997 թվականի ռազմական հեղաշրջումը Թուրքիայի Հանրապետության պատմության մեջ չորրորդն է 1960, 1971, 1980 թ. հեղաշրջումներց հետո: Այն հայտնի է «թավշյա հեղաշրջում» անունով, քանի որ ի տարբերություն նախորդ անգամների զինվորականությունը բռնի ուժ չկիրառեց:

Հենց այդ դեպքերի ժամանակ էլ Թուրքիայի ներկայիս նախագահ Ռեջեփ Թայիփ Էրդողանը դատախարտվում է 1 տարվա ազատազրկման՝ Թուրքիայի Սիիրթ նահանգում թուրք ազգայնական, իսլամամետ գաղափարախոս Զիյա Գյոքալփի խոսքերը հնչեցնելու համար :

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։